2 dengdêr

Di kurmancî de ji ẍeynî di tewandinên lêkeran de 2 dengdêr li ba hev çênabin. Divê bi şiklekî dî werine gotin û nivîsîn.

Ẍeletî:

• proteîn --> proteyîn
• vîdeo --> vîdyo
• pûan --> puwan/piwan
• teorî --> teyorî
• kaos --> di kurmancî de nîne (heke hebane wê bûbane: "kaws"/"kawos")
• şampûan --> şampuwan/şampiwan
• qaîde, daîmî --> qayîde, dayîmî

Nimûneke ko di kurmancî de 2 dengdêr li ba hev tên nivîsandin "saet" e, lê ev nivîsandina paşketî ya "se'et" e û ' dengdarek e. Ji ber wê 2 dengdêr ne li ba hev in, bi dengdarekê veqetayî ne. 'Eynî tişt ji bo îdi'a jî rast e.

Nimûneke dî jî "diavêim", "neavêje", "naavêjin" û tiştên bi wî şiklî ne lê ew ne bi gotinê bixwe ve ne û ne bi gotinê re têne gotin, weke "ne-avêjim" tê gotin. Yanî ew herdû dengdêr pevre nayên gotin.